"АЛДАРТ ЭХ"-ИЙН ОДОН АВАХ ШААРДЛАГА ХАНГАСАН ЭХЧҮҮДИЙН АНХААРАЛД

“Алдарт эх”-ийн нэг, хоёрдугаар зэргийн одон авах шаардлага хангасан хилийн чанадад оршин суугаа Монгол Улсын иргэдэд уг одонг Дипломат төлөөлөгчийн газраар дамжуулан олгодог.

Иймд “Алдарт эх”-ийн нэг, хоёрдугаар зэргийн одон авах шаардлага хангасан эхчүүд дараах материалыг бүрдүүлэн 2025 оны 3 дугаар сарын 10-ны дотор тус ЕКГ-т ирүүлэхийг хүсье.

БҮРДҮҮЛЭХ МАТЕРИАЛ:

1. Эхийн цахим үнэмлэхийн хуулбар

2. Хүүхдүүдийн төрсний гэрчилгээний хуулбар /насанд хүрсэн бол иргэний үнэмлэхийн хамт/

3. Гараар бичсэн өргөдөл /Монгол Улсын Ерөнхийлөгчийн Тамгын газарт хандсан өргөдөл байна. Өргөдөлд хүүхдүүдээ томоос нь дараалуулан эрхэлж буй ажил, сурч байгаа сургуулийг бичнэ/

АНХААРАХ ЗҮЙЛ:

1. Хүүхэд үрчилж авсан бол үрчлэлтийн гэрчилгээ эсвэл хүүхэд үрчилсэн тухай архивын лавлагаа (хүүхдийг заавал 3 наснаас өмнө үрчилж авсан байх ёстой)

2. Отгон хүүхэд нь нэг нас хүрсэн байх /2025 оны 6 дугаар сарын 1-нээс өмнө/

3. “Алдарт эх” нэгдүгээр зэргийн одон авах бол хоёрдугаар зэргийн одонгийн үнэмлэхийн хуулбарыг хавсаргана.

Анкетыг татаж авах холбоос:

https://drive.google.com/file/d/1OSh6W6SD1O3ngIvqy5rgGnJlVwcSWdee/view?usp=sharing