БЕРКЛИ ДЭХ КАЛИФОРНИЙН ИХ СУРГУУЛИЙН ТӨЛӨӨЛӨГЧИДТЭЙ УУЛЗАВ

Беркли дэх Калифорнийн их сургуулийн Гадаад харилцааны газрын дарга (Director, Global Engagement Office) Ашлей Спинелли тэргүүтэй удирдлагатай өнөөдөр буюу 2024 оны 12 дугаар сарын 12-ны өдөр Ерөнхий консул Б.Мөнхбаатар, Монгол-Германы хамтарсан ашигт малтмал, технологийн их сургууль (МГТИС)-ийн Санхүү, захиргаа хариуцсан дэд захирал Б.Энхбаяр нар уулзаж хоёр талын харилцаа, хамтын ажиллагаа хөгжүүлэх асуудлаар дэлгэрэнгүй санал солилцов.

Уулзалтын үеэр хүрээлэн буй орчныг хамгаалах чиглэлээр хоёр талын хамтын ажиллагаа өргөжүүлэхийн зэрэгцээ МГТИС-тай хамтран зуны сургалт зохион байгуулах, оюутан болон зочин лектор харилцан солилцох, хил хязгааргүй инженерийн чиглэл зэрэг хэд хэдэн асуудлаар хамтын ажиллагаа хөгжүүлэх боломжийг судлахаар талууд тохиролцов.