"CONNECT AND GROW" УУЛЗАЛТ БОЛОВ

Стэнфордын Их сургуулийн оюутан С.Туваанаа, Ш.Урангоо нар Бэй Аэриа орчмын ахлах сургуулийн сурагчдад Стэнфордын Их сургуульд элсэн орсон туршлага, мэдлэгээ 2024 оны 11 дүгээр сарын 16-ны өдөр тус ЕКГ-т хуваалцав.

С.Туваанаа нь 10 настайдаа Сан Франциско хотод ирж, Mission болон San Francisco Conservatory of Music pre-college ахлах сургуулийг тус тус дүүргэсэн. 30 гаруй их сургуульд элсэх өргөдөл гаргаснаас 20 гаруйд нь тэнцэж, үүнээс Стэнфордын Их сургуулийг сонгон компьютерийн инженер чиглэлээр суралцаж байна.

Ш.Урангоо нь Хөвсгөл аймгийн Арбулаг сумын ЕБС-д 7 дугаар анги хүртлээ суралцаж, Хөвсгөл аймгийн 1 дүгээр сургуулийг төгссөн. 38 сургуульд элсэх хүсэлт гаргаж, Стэнфордын Их сургуулиас 100 хувийн тэтгэлэг авсан байна.

Ерөнхий консулын газраас санаачлан Стэнфордын монгол оюутны холбоотой хамтран хийж буй тус уулзалтыг жил бүр уламжлал болгон зохион байгуулах бөгөөд энэ удаагийн уулзалтад Бэй Аэриа орчмын ахлах сургуульд суралцаж буй 33 сурагч оролцлоо.