Төрийн мэдээлэл солилцооны “e-mongolia” системээр дамжуулан хүлээн авах боломжтой 74 лавлагаа, тодорхойлолтыг нотариатаар гэрчлүүлэх шаардлагагүй боллоо

Цахим хөгжил, харилцаа холбооны яам, Монголын нотариатчдын танхим хамтран ажиллах санамж бичигт гарын үсэг зурлаа.

Тус санамж бичгийг хэрэгжүүлснээр дараах асуудлуудыг шийдвэрлэх боломжтой болох юм байна:

- “И-Монголиа" системээр дамжуулан хүлээн авах боломжтой лавлагаа тодорхойлолтыг төрийн байгууллага, албан тушаалтан нотариатаар гэрчлүүлэхийг шаардахгүй байх. Үүнд: иргэний болон жолооны үнэмлэх, төрсний, гэрлэсний, нас барсны, оршин суугаа хаягийн, нийгмийн даатгалын шимтгэл төлөлтийн зэрэг 74 лавлагаа тодорхойлолт багтаж байна.

- "И-Монголиа” системээр нотариатын үйлчилгээ үзүүлсэн талаарх лавлагаа, тодорхойлолт, гэрээний цахим хуулбар олгох боломж бүрдүүлэх

- Цахимаар нотариатын үйлдэл хийх платформыг хөгжүүлэх, тоон гарын үсгээр иргэн, хуулийн этгээдийн хувийн байдлыг тогтоож, баталгаажуулан үйлчилгээ үзүүлэх нөхцөлийг бүрдүүлэх, нотариатын үйлдэл хийхэд нийтийн мэдээллийн дэд бүтцийг ашиглах зэрэг иргэдийн өргөдөл гомдол нийтлэг төвлөрдөг нотариаттай холбоотой асуудлууд цэгцэрнэ.

 

ЕРӨНХИЙ КОНСУЛЫН ГАЗАР